دعوة للصمود
لكل الجنود فى قلب الميدان
لكل الرجال لكل الشباب ومن شارك فى النيشان
نيشان كبير من قلب الوطن على صدر البطل
اللى كسر حاجز الصمت
حاجز الخوف
حاجز النسيان
فى قلب الميدان
شباب شيوخ و حتى البنات
مسيحى و مسلم
عامل و فلاح
ومن كل الفئات
رافع شعار
ليسقط الطغيان
دعوة للصمود
فى وجه الخطر
نحقق امانى طال انتظارها
نغير كيان صادر طموحنا
لكن فيه امل جوة القلوب
نغير بإيدنا اللى انكسر
و نرفع شعار لا للفشل
و نهتف بصوت واحد
يسقط الطاغية
يرحل
يحل عن البلد
دعوة للصمود
لكل بطل
فى كل مصر
لكل وطنى فى الميدان
لكل وطنى شارك يوم الرحيل
لكل من كان قلبه معانا
و خايف من الطغيان
لكل مصرى رافض الظلم
طالب الامان
شارك معانا اسبوع الصمود
و الظلم لن يعود
ابدا لن يعود
دعوة للصمود
دعوة كتبها التاريخ
بدم الشهيد
و دموع الامل
و فرحة جيل
و بسمة على وجه الوطن
تكون بشرى لكل البشر
ان البطل انتصر
و رفع العلم و حرر وطن
و ان الشهيد فى الجنة عند اللة حى
يشهد ما حصل
دعوة بقولها وانا عارف
الكل صامد
ايد واحدة
وضربة بطل
ويهتف لسانا بكلمة مبارك
وهو قد رحل
و نربح قضية
حكمها الزمن
وتحسب لنا ثورة صنعها الشباب
نفاخر بها الامم